जे .के. जाधव यांचा संदेश

" प्रयत्न केल्याने परमेश्वर आपल्याला नेहमीच मदत करतो, असा माझा विश्वास आहे. कधी कधी एखादा मोठा प्रकल्प हातात घेताना मला भीती वाटते की आपण एवढे करू शकू का?. कारण शेवटी सगळं संबंध पैशाशी येतो. मग अशा प्रसंगी जेव्हा मी एखाद्या वेळी निराश अथवा उदीग्न होतो तेव्हा मग धिरूभाई अंबानी यांनी कसं काम केला होता? कर्मवीर भाऊराव पाटीलांनी कसं काम केला होता? शिवाजी महाराजांनी कसं काम केला होता ? त्यांनी आग्रा येथून कशी सुटका करून घेतली होती? असे हे सर्व प्रसंग मला आठवतात आणि मग आपल्याला त्यातून स्फूर्ति आणि प्रेरणा मिळते त्या प्रेरणेतुनच माझ्यात उत्साह निर्माण होतो आणि मग मी जोमाने पुन्हा कामाला लागतो. अशा दृष्टीकोणातून आम्ही सर्व विचार करून हे काम करीत असतो . "

- जे. के. जाधव (दादा)          

 

जे के जाधव यांचा झी 24 तास न्यूज वरील इंटरव्ह्यु

 

जे. के. जाधव

आयुष्यात मी थोडे फार शैक्षणिक आणि समाज कार्य करू शकलो याचा माला आनंद होत आहे. हे कार्य मी वयाच्या 35 व्या वर्षी सुरू केले "इवलेसे रोप लावियले दारी, त्याचा वेणु गेला गगनावरी" असे आमच्या शैक्षणिक व सामाजिक कार्याचे स्वरूप झाले आहे. हे कार्य करताना सुरवातीपासून ते आजपर्यंत अनेक संकटे आली, स्वकीयांनी आणि इतरांनी आणे प्रकारचा त्रास दिला, अनेकांनी खूप सहकार्य केले.

आपल्या देशात विकासाच्या अनेक संधि आहेत. देशातील 50 टक्के लोक अजूनही दारिद्रयत आणि अज्ञानात जीवन जगत आहे, या देशात राहणार्‍या सर्वांचा विकास करून त्यांना दारीदर्‍याच्या आणि अज्ञानाचा अंधारातून बाहेर काढणे शक्य आहे. परंतु समाजातील काही स्वयंकेंद्रीय आणि काही लोकांच्या स्वार्थी वृत्ती मुळे हे शक्य होत नाही. विशेषतः राजकीय क्षेत्रात कार्य करणार्‍या व्यक्ति, सामाजिक क्षेत्रात काम करणार्‍या व्यक्तींची प्रसिद्धी समाजात होऊ नये म्हणून त्यांना विरोध करतात. अशा प्रकारची विधायक आणि विकासात्मक काम होऊ नयेत यासाठी प्रयत्नशील असतात.